Eze 37 | Ndebele | STEP | Isandla seN kosi sasiphezu kwami , sangikhupha ngoMoya weN kosi , sangibeka phakathi kwesihotsha esasigcwele amathambo .

1 Isandla seNkosi sasiphezu kwami ^a, sangikhupha ngoMoya weNkosi ^b, sangibeka phakathi kwesihotsha ^c esasigcwele amathambo ^d. 2 Yangidlulisa kuwo ngibhoda inhlangothi zonke; khangela-ke, ayemanengi kakhulu ebusweni besihotsha, njalo khangela, ayomile kakhulu ^e. 3 Yasisithi kimi: Ndodana yomuntu, amathambo la angaphila yini ^f? Ngasengisithi: Nkosi Jehova, nguwe owaziyo ^g.

4 Yasisithi kimi: Profetha phezu kwalamathambo, uthi kiwo: Lina mathambo omileyo, zwanini ilizwi leNkosi. 5 Itsho njalo iNkosi uJehova kula amathambo: Khangelani, ngizakwenza ^h umoya ungene kini, liphile ⁱ. 6 Ngibeke imisipha phezu kwenu, ngivuselele inyama phezu kwenu ^j, ngilembese ngesikhumba ^k, ngifake umoya kini, liphile ^l. Khona lizakwazi ukuthi ngiyiNkosi ^m.

7 Ngasengiprofetha njengokulaywa kwami; kwasekusiba lomsindo ngisaprofetha, khangela-ke ukunyikinyeka, amathambo asesondelelana, ithambo kuthambo lalo ⁿ. 8 Ngasengibona, khangela-ke, kwakulemisipha phezu kwawo ^{o
,} ^p, yavela inyama, lesikhumba sawasibekela ngaphezulu ^q; kodwa kwakungelamoya kiwo ^r. 9 Yasisithi kimi: Profetha emoyeni, profetha ndodana yomuntu, uthi emoyeni: Itsho njalo iNkosi uJehova: Woza uvela emimoyeni emine, wena moya ^s, uphefumulele kulaba ababuleweyo ukuze baphile ^t. 10 Ngasengiprofetha njengalokho yayingilayile ^u; umoya wasungena kiwo, aphila ^{v
,} ^w, ema ngenyawo zawo, ibutho elikhulu kakhulukazi ^x.

11 Yasisithi kimi: Ndodana yomuntu, la amathambo ayindlu yonke kaIsrayeli. Khangela, bathi: Amathambo ethu omile ^y, lethemba lethu libhubhile ^z, siqunyiwe ngokwethu ^aa. 12 Ngakho profetha uthi kubo: Itsho njalo iNkosi uJehova: Khangelani, ngizavula amangcwaba enu, ngilikhuphule emangcwabeni enu ^{ab
,} ^ac, lina bantu bami, ngilise elizweni lakoIsrayeli ^ad. 13 Khona lizakwazi ukuthi ngiyiNkosi, lapho ngivula amangcwaba enu, ngilikhuphule emangcwabeni enu, lina bantu bami ^ae. 14 Besengifaka umoya wami kini ^af, liphile, besengilibeka elizweni lenu ^{ag
,} ^ah; khona lizakwazi ukuthi mina Nkosi ngikhulumile, ngakwenza, itsho iNkosi ^ai.

Ilizwi leNkosi ngokuhlanganiswa kwamaIsrayeli lamaJuda

15 Ilizwi leNkosi lafika kimi futhi lisithi: 16 Wena-ke ndodana yomuntu, zithathele intonga eyodwa, ubhale phezu kwayo ^aj uthi: EkaJuda ^ak, leyabantwana bakaIsrayeli abangane bakhe ^al; ubusuthatha enye intonga, ubhale phezu kwayo uthi: EkaJosefa ^{am
,} ^an, intonga kaEfrayimi ^ao, layo yonke indlu kaIsrayeli abangane bakhe. 17 Ubusuzisondeza, enye kwenye kuwe, zibe yintonga eyodwa ^{ap
,} ^aq; njalo zizakuba ngeyodwa esandleni sakho ^ar.

18 Lalapho abantwana babantu bakini bekhuluma kuwe ^as besithi: Kawuyikusitshela yini ^at ukuthi lezi ziyini kuwe ^au? 19 Tshono kubo: Itsho njalo iNkosi uJehova: Khangela, ngizathatha intonga kaJosefa, esesandleni sikaEfrayimi, lezizwe zakoIsrayeli abangane bakhe ^av, ngizibeke kuyo, kuyo intonga kaJuda ^aw, ngizenze zibe yintonga eyodwa ^ax, zibe ngeyodwa esandleni sami ^ay.

20 Njalo izintonga obhale kizo zizakuba sesandleni sakho phambi kwamehlo abo ^az. 21 Ubususithi kubo: Itsho njalo iNkosi uJehova: Khangelani, ngizathatha abantwana bakoIsrayeli phakathi kwezizwe ^ba, abaye kizo, ngibabuthe inhlangothi zonke ^{bb
,} ^bc, ngibalethe elizweni labo ^bd; 22 ngibenze babe yisizwe esisodwa elizweni ^{be
,} ^{bf
,} ^bg phezu kwezintaba zakoIsrayeli ^bh; njalo inkosi eyodwa izakuba yinkosi yabo bonke; njalo kabasayikuba yizizwe ezimbili, kabasayikwehlukaniswa babe yimibuso emibili futhi ^{bi
,} ^bj. 23 Kabasayikuzingcolisa ngezithombe zabo, langamanyala abo ^{bk
,} ^bl, langasiphi seziphambeko zabo ^bm; kodwa ngizabasindisa baphume kuzo zonke indawo zabo zokuhlala, abona kizo ^bn, ngibahlambulule ^bo. Ngalokho bazakuba ngabantu bami, lami ngibe nguNkulunkulu wabo ^{bp
,} ^bq. 24 Njalo inceku yami uDavida ^br izakuba yinkosi phezu kwabo ^{bs
,} ^bt; labo bonke bazakuba lomalusi munye ^{bu
,} ^bv; futhi bazahamba kuzahlulelo zami ^bw, bagcine izimiso zami ^bx, bazenze ^by. 25 Bahlale elizweni engalinika inceku yami uJakobe, ababehlala kulo oyihlo, yebo, bazahlala kulo, bona, labantwana babo, labantwana babantwana babo ^{bz
,} ^ca, kuze kube phakade ^cb. Futhi uDavida inceku yami uzakuba yisiphathamandla sabo ^{cc
,} ^cd kuze kube phakade ^ce. 26 Futhi ngizakwenza isivumelwano sokuthula labo ^cf; sizakuba yisivumelwano esilaphakade labo ^cg; ngibamise, ngibandise ^ch, ngibeke indawo yami engcwele phakathi kwabo kuze kube phakade ^ci. 27 Ithabhanekele lami lalo lizakuba kubo ^cj, njalo ngizakuba nguNkulunkulu wabo ^ck, labo bazakuba ngabantu bami ^cl. 28 Lezizwe zizakwazi ^cm ukuthi mina Nkosi ngenza uIsrayeli abe ngcwele ^cn, nxa indawo yami engcwele izakuba phakathi kwabo kuze kube phakade ^co.